Cocina 3 Tapas Restaurant & Bar (Closed)

奧海城外有唔少的酒吧餐廳，上次已同一班朋友喺呢間餐廳度飲酒傾計，覺得氣氛唔錯！今次再嚟當然要寫埋餐廳嘅西班牙菜。因為今次冇上次咁多人，所以叫咗一盒西班牙海鮮炒飯同海鮮pizza，一坐低店員已經為我哋遞上墨西哥脆片作小食！墨西哥脆片鹹香帶少少辣，點上餐廳自製嘅忌廉醬簡直令我哋食唔停口。西班牙海鮮炒飯：海鮮炒飯材料非常豐富，包括有魷魚，海蝦，帶子，蜆肉等等！首先飯底唔會太濕亦唔會太乾，飯粒口感軟硬適中加上海鮮高湯，洋蔥及青椒等材料令食慾大增，海鮮飯口感有層次，加上豐富有的海鮮所以幾乎每啖都能食到海鮮嘅鮮甜味！值得推薦。海鮮pizza： Pizza尺寸是12吋，價錢合理抵食！Pizza 餅底不會太厚口感脆口，但也不會感覺太薄。Pizza嘅芝士非常豐富，可以拉絲！配上不同的海鮮口感豐富。最後我哋叫咗兩杯mocktail !兩杯都是水果味，清新帶甜很容易入口，很適合女孩子和打卡！最難得是cocktail甜度居然可以選擇，不喜歡太甜的女孩子記得叫少甜哦。