Playa de Papagayo (Closed)

今日黎到尖沙咀，約左一個大學同學食飯。大家都鐘意食西餐，一於搵間西班牙餐廳試下。happy hour時間去到夜晚9點，飲品好抵食。我叫左一枝啤酒試試。酒味唔濃，好易入口。香煎北海道帶子。帶子粒粒好大隻，配上不同醬汁，香草醬最好味。帶子軟熟彈牙充滿鮮味，唔係刺身帶子所以中間微暖。黑松露意大利粉。黑松露味超香超濃，菌香非常濃郁，意粉彈牙掛上濃濃醬汁，味道極佳。斧頭豚肉排。好霸氣既豚肉排呀豚肉排好大份2個人食岩岩好。豚肉全熟入口鮮味重，肉質爽彈肉甜味重。旁邊仲有焗薯和蔬菜，好豐富。