Sueno (Closed)

今次去呢間Sueno環境唔錯，牆身都係以灰色作主調，氣氛浪漫。餐廳環佈佈置別具心思。點左一個溫泉蛋薯絲，薯條切到好幼，口感好酥脆，加埋火腿一齊食簡直係perfect match，食到停唔到口。薯蓉波波有兩款口味，分別係黑毛豬火腿波同香炸蟹波，波波咬落去，外面好脆，裏面軟糯，4粒波波分別充滿蟹肉又有火腿鹹味的，真材實料盡在一球。黑松露薯條加埋醬料，同平時食嘅薯條完全唔同。淡淡嘅黑松露味，再加上檸檬嘅酸味，味道特別。西班牙海鮮燉飯分別有魷魚、蜆、蝦、帶子。帶子味大又鮮甜，蝦都好爽脆。燉飯嘅味道都好獨特，可以一試。甜品部份，叫咗個甜品拼盤，啱晒有選擇困難症嘅你。心太軟焗得時間啱啱好，切開之後，啲朱古力醬流晒出嚟，加埋雲呢拿雪糕一齊食，口感豐富，藍莓芝士蛋糕口感軟滑，食晒成個都唔會濟。