La Postre (Closed)

日日加班做到無停手,真係好想抖下,放縱下,係我拖住疲累既身體收工時,朋友最感動我既係佢又帶我去食野lu😁。我地去左銅鑼灣既"La Postre",果度d情調好好,我地叫左個芝士蟹餅,𥚃面有蟹肉,雞蛋,口感相當豐富，香濃的芝士也一點都不膩口。之後我地叫左個西班牙海鮮炒飯,個炒飯非常足料,有大蝦,青口,蜆同火腿,味道少少辣,超級惹味,真係好食到停唔到口。雜果麻糬窩夫,窩夫外脆內軟,點少少蜜糖,更可以提味,配合埋個雲呢拿雪糕,水果新鮮好味，簡直就係perfect match。我地亦叫左2杯飲品,1杯係青檸加桃既沙冰,酸酸甜甜,好醒胃,非常透心涼,另外1杯熱水果茶,水果多種類及新鮮,茶味香濃。