RuRu Tapas Restaurant (Closed)

大角咀新開業嘅RuRu Tapas Restaurant，係主打西班牙菜嘅酒吧餐廳！裝修簡約時尚，地方極為新淨，而且樓底特高，好有空間感！西班牙辣椒仔 $88西班牙嘅開胃菜，青色嘅辣椒仔烤香表皮，以橄欖油和海鹽嚟調味，係送酒嘅良品！36月伊比利亞火腿 $198油份充足嘅36個月嘅風乾伊比利亞火腿，色澤亮麗，油潤帶光澤！火腿肉質柔軟，入口甘香，咸香味濃，仲散發著果仁嘅香氣，完全無渣，一食就知係西班牙嘅上等貨，推介！白酒辣蜆肉意大利麵 $168蜆肉大大隻，鮮甜乾淨無沙！扁意粉都幾掛汁，每一啖都食到蜆嘅甜味，同埋白酒嘅香！帶少少辣，都幾惹味！