Tapa Room (宏利廣場)

Open Now

Now Closed

好耐無食過西班牙菜啦～今日放工嚟到牛頭角站嘅Tapa Room，未行到都見餐廳用咗霓紅燈做裝飾，好適合打卡影相呢～今晚食西班牙菜，緊係要試下唔同嘅tapas 啦，呢類嘅開胃小食可以分冷盤同埋熱盤，好多時候都可以直接用手食㗎，細細件放入口到啱啱好，可以一次過食到好多種唔同嘅味道呢～首先出場嘅係薄切慢煮八爪魚，八爪魚味道鮮甜爽口，加埋特製嘅醬汁，yumyum～第一次試蕃茄脆包，原來醃白銀魚再加蒜茸蛋黃醬都好夾呢！而薯仔蛋餅係西班牙著名嘅美食之一，雖然只係用簡單嘅材料薯仔、雞蛋製作，但係食落嘅時候，口味非常獨特，仲有香濃味道呀～之後嘅檸汁白酒煮蜆，蜆肉好鮮甜呀，仲有淡淡嘅酒香味。而主菜豬鞍肉質非常嫩滑而且厚身，加埋些厘醋燒汁口感清爽，唔會有油膩感呢～下次再嚟試埋其他嘅tapas先！