Video
Read full review
2023-05-24
37 views
朋友約食飯想搵啲放工後飲吓嘢、又可以食吓小食嘅餐廳，今次俾我揸主意。我第一時間就諗起西班牙菜嘅Tapas，最後決定嚟呢間Tapa Room，朋友表示十分滿意！一開lift門，餐廳外嘅燈牆好吸晴、好夢幻，一定要打卡先！餐廳入面嘅霓虹燈食鬼牆、開放式水吧加酒牆，輕快外語歌，增添輕鬆嘅氛圍！Tapas menu上嘅選擇接近20款，冷熱盤都有，價錢由$48至$98不等！另外Main course, Paella, side order, dessert都有唔少選擇！✔️棒棒鵝肝$78呢隻鵝肝嘅做法唔似平時煎香，感覺冇咁油膩，入口即溶，好幼滑！✔️黑毛豬火腿 24 個月$98黑毛豬火腿係最佳嘅送酒小食！呢隻24個月嘅ham油潤甘香、肉質結實，色澤好靚！✔️西班牙薯仔蛋餅$78（另加明太子$10）呢個傳統嘅西班牙家常小食，整得唔錯，蛋餅外皮煎至焦黃，上面一層厚厚嘅沙律醬，豐富咗蛋餅嘅味道！用刀一切開蛋餅，流心嘅醬汁同薯仔粒一湧而出！✔️薄切慢煮八爪魚$88橄欖油浸透薄切嘅八爪魚片，加上上面一大團酸酸尾尾嘅特製醬汁，令到成個菜式好開胃、好清爽！✔️西班牙慢烤乳豬蕃茄鍋飯$298西班牙海鮮平鍋飯食得多，見到呢度
✔️棒棒鵝肝$78呢隻鵝肝嘅做法唔似平時煎香，感覺冇咁油膩，入口即溶，好幼滑！
✔️黑毛豬火腿 24 個月$98
黑毛豬火腿係最佳嘅送酒小食！呢隻24個月嘅ham油潤甘香、肉質結實，色澤好靚！
✔️西班牙薯仔蛋餅$78（另加明太子$10）
呢個傳統嘅西班牙家常小食，整得唔錯，蛋餅外皮煎至焦黃，上面一層厚厚嘅沙律醬，豐富咗蛋餅嘅味道！用刀一切開蛋餅，流心嘅醬汁同薯仔粒一湧而出！
✔️薄切慢煮八爪魚$88
橄欖油浸透薄切嘅八爪魚片，加上上面一大團酸酸尾尾嘅特製醬汁，令到成個菜式好開胃、好清爽！
✔️西班牙慢烤乳豬蕃茄鍋飯$298
西班牙海鮮平鍋飯食得多，見到呢度嘅Menu上面有慢烤乳豬平鍋飯，未試過，一於試吓！用蕃茄汁煮嘅飯粒充滿蕃茄味，令人食慾大增，底層有飯焦，係合格嘅Paella！慢烤方法鎖實肉汁，令到肉質較為鮮嫩，外皮好香脆！
✔️RED SANGRIA$48
食西班牙菜點可以唔點傳統西班牙飲品？果粒融入酒水當中，感覺清新，甜甜地好易入口，女仔都可以handle到！
✔️VIRGIN SANGRIA$50
唔想飲有酒精成份嘅飲品，呢杯Virgin Sangria啱晒！同樣充滿果香！
感覺今餐海鮮類如八爪魚都幾新鮮，菜式係好地道嘅西班牙菜，環境唔錯，係同朋友飲酒chill chill嘅好去處！
**設加一服務費
Post
