La Postre (永樂街) (Closed)

前陣子去了一個很長嘅西班牙旅行，回到香港亦享往當中的點滴，特別佢哋嘅西班牙菜式真係又平又好食，所以好想喺香港搵一間西班牙餐廳同朋友一齊聚會之餘，亦可分享旅行的趣事。今次呢間西班牙餐廳裝潢都好有格調，啱晒同朋友一齊聚會。餐牌內有多款西班牙小食、海鮮、意粉、甜品。牛肉墨西哥玉米片玉米片份量驚人，面頭更有大量牛肉碎、芝士、香草等材料相當豐富。令食時除了脆卜卜嘅玉米片外增添一份惹味感覺，當然食嗰陣要襯熱食，可以有拉絲效果。華都夫雞肉果仁沙律呢個沙律個雞肉真係重點，肉嫩而不乾真係好好味，加埋佢個沙律汁一齊食都幾醒胃。虎蝦墨魚汁意粉墨汁意粉上除了爽口彈牙嘅虎蝦之外還有櫻花蝦，令食意粉嘅時候可以多了一種香口感覺。仲夏水果茶水果茶味道清新而且唔會過甜。抹茶麻糬窩夫看似平平無奇嘅窩夫，但內裡其實加了令人無法抵擋嘅麻糬。只要食了一啖都可以將你溶化，而且窩夫非常軟熟，加埋雪糕、紅豆等一齊食真係非常幸福。