Video
Read full review
2021-10-27
769 views
今日同朋友黎到大埔的Tapas Brew食西班牙晚餐。叫左特色烤乳豬，乳豬外脆內嫩，豬皮烤得好香，配一個帶甜的醬汁一齊食非常之夾。豬肉亦相當嫩口，裡面帶點肉汁，唔會太乾或太嚡 。主食就叫左西班牙黑毛豬風乾火腿野菌闊條麵，份量好足，麵質彈牙，但闊條麵個人略嫌太硬身。而黑毛豬風乾火腿就非常好食，火腿帶油香，肥而不膩，火腿的咸香配闊條麵可以令味道更上一層。小食方面就叫左地中海式炸魷魚圈，魷魚圈個人覺得炸粉太厚，但賣相相當吸引，口感香脆，配上檸檬蒜香蛋黃醬一齊食，微酸的醬汁相當開胃。第二款小食叫左西班牙辣肉腸炒蛋配脆馬鈴薯絲，辣肉腸好食，辣度適中，但炒蛋就唔夠滑，而馬鈴薯絲亦都唔夠脆，所以呢個小食整體上就一般，唔太推薦。另外都仲有少量甜品，但太飽的關係所以無試到。
叫左特色烤乳豬，乳豬外脆內嫩，豬皮烤得好香，配一個帶甜的醬汁一齊食非常之夾。豬肉亦相當嫩口，裡面帶點肉汁，唔會太乾或太嚡 。
主食就叫左西班牙黑毛豬風乾火腿野菌闊條麵，份量好足，麵質彈牙，但闊條麵個人略嫌太硬身。而黑毛豬風乾火腿就非常好食，火腿帶油香，肥而不膩，火腿的咸香配闊條麵可以令味道更上一層。
小食方面就叫左地中海式炸魷魚圈，魷魚圈個人覺得炸粉太厚，但賣相相當吸引，口感香脆，配上檸檬蒜香蛋黃醬一齊食，微酸的醬汁相當開胃。
第二款小食叫左西班牙辣肉腸炒蛋配脆馬鈴薯絲，辣肉腸好食，辣度適中，但炒蛋就唔夠滑，而馬鈴薯絲亦都唔夠脆，所以呢個小食整體上就一般，唔太推薦。
另外都仲有少量甜品，但太飽的關係所以無試到。
Post
