Video
Read full review
2021-03-22
1586 views
【中環絕不踩雷西班牙Tapas小酒館🛖】小編真係超級鍾愛蘇豪區入面既餐廳，每次去新一間餐廳都好似去咗一轉歐洲旅行一樣✈️係蘇豪區入面有各式各樣來自唔同國家既小酒館，每一間都有自己既特色，好多都係當地人將自己嘅家鄉菜帶到黎香港，而且裝修都特別精緻😍店員會超級友善咁用英文同你交談，每道菜都係即點即做，係小店既風味，亦會食到廚師既誠意，好難用九龍新界既餐廳黎做標準去作比較😤餐廳係menu上面寫咗Tapas既歷史由來，Tapas既西班牙文即係杯蓋😎原來以前西班牙既小酒館為咗防止啲烏繩飛入酒，會係杯蓋上面放一塊麵包，後來再加上咗火腿、芝士等既小食，最後就演變成咗小酌必備既佐酒小食啦🍺依間餐廳叫咗Sobremesa, 意思即係食完野之後，唔捨得完結嘅美好閒談🐥🐦而小編同朋友食完飯之後又真喺足足係到傾咗三個鐘計😂—《 #Gambas Pil Pil》$75(半價後)⭐⭐⭐⭐第一樣點嘅就係依個sizzling prawn🦐 同個名一樣，上到枱啲橄欖油仲乍乍聲🤣 啲蝦個size都幾大，份量唔算多，得六隻蝦，半價完就好抵食☺️用咗新鮮蝦所以蝦肉好實淨，仲放咗好多蒜片，都係小編最鐘意嘅部分，炸到金黃香脆，再吸收
159 views
0 likes
0 comments
小編真係超級鍾愛蘇豪區入面既餐廳，每次去新一間餐廳都好似去咗一轉歐洲旅行一樣✈️係蘇豪區入面有各式各樣來自唔同國家既小酒館，每一間都有自己既特色，好多都係當地人將自己嘅家鄉菜帶到黎香港，而且裝修都特別精緻😍店員會超級友善咁用英文同你交談，每道菜都係即點即做，係小店既風味，亦會食到廚師既誠意，好難用九龍新界既餐廳黎做標準去作比較😤
餐廳係menu上面寫咗Tapas既歷史由來，Tapas既西班牙文即係杯蓋😎原來以前西班牙既小酒館為咗防止啲烏繩飛入酒，會係杯蓋上面放一塊麵包，後來再加上咗火腿、芝士等既小食，最後就演變成咗小酌必備既佐酒小食啦🍺
依間餐廳叫咗Sobremesa, 意思即係食完野之後，唔捨得完結嘅美好閒談🐥🐦而小編同朋友食完飯之後又真喺足足係到傾咗三個鐘計😂
—
《 #Gambas Pil Pil》$75(半價後)⭐⭐⭐⭐
第一樣點嘅就係依個sizzling prawn🦐 同個名一樣，上到枱啲橄欖油仲乍乍聲🤣 啲蝦個size都幾大，份量唔算多，得六隻蝦，半價完就好抵食☺️用咗新鮮蝦所以蝦肉好實淨，仲放咗好多蒜片，都係小編最鐘意嘅部分，炸到金黃香脆，再吸收曬蝦肉同橄欖油既香味，配上麵包食，好邪惡呀😍！
—
《 #Spanish Omelette》$48(半價後) ⭐⭐⭐⭐
西班牙蛋餅係每次食西班牙菜必點嘅，雖然只係用簡單嘅材料去製造，但夾埋就好好食😆原本諗住當前菜食，但最後食完蛋餅真係飽哂🥲外層蛋香超重，入面有一層層既薯仔同洋蔥，加上面頭既沙律醬，好開胃呀😆不過可能有少少失手落多咗鹽，略嫌咸左少少，不過以佐酒小食黎講都可以接受🤪
—
《 #Grilled Tuna》$50 (半價後)⭐⭐⭐
第一次食西班牙式既吞拿魚，烹調方法係以大火grill至well done，再加上辣椒有少少辣味，伴隨嘅lime可以唧埋落去提味👍🏼因為煮熟咗嘅關係，肉質比較厚實，有啲鞋口同埋面頭有少少燒焦既味道💀建議可以試下其他tapas可能會更好😹
—
《 #Apple Crumble with Vanilla Ice Cream 》$38(半價後) ⭐⭐💥
平時食開嘅apple crumble都係脆批咁，但依度似乎就唔係咁嘅意思😵係焦糖肉桂炒蘋果粒加上granola同雲尼拿雪糕，雖然雪糕好食，但比起小編預計嘅apple crumble普通咗好多😢
Post
