西環碼頭 (Closed)

很久未去過西環揾食，今次光顧「海邊」嘅西環碼頭。餐廳分室外室內兩部份，講真，就算坐室外都無乜feel，反而較嘈又有人食煙，倒不如坐入便好過。店內裝潢簡單，座位較迫，服務一般。食物方面，舖名既然以「碼頭」為名，又怎可以少得海鮮呢！整體來說，此店海鮮不算便宜，但勝在明碼實價，海鮮以條/隻做單位，價錢啱就食，唔會俾人呃秤。蒜蓉粉絲蒸扇貝：扇貝裙邊爽脆，本身鮮甜，good喎！豉汁聖子皇：和扇貝一樣，同樣鮮甜美味，只是豉汁鹹咗DD。湯浸貴妃蚌：貴妃蚌相較下較普通，反而嗰湯底有驚喜，夾着淡淡胡椒香味，唔錯。錦江海皇豆腐煲：用料算足，豆腐亦算滑；用石頭窩盛載，出品夠熱夠香，OK。小碼頭炒飯：主要有蝦及小蝦乾；炒飯炒得唔錯，夠乾身，亦惹味。啤酒：此店用冰凍玻璃碗盛載啤酒，用以保温防走味。