Video
Read full review
2022-09-04
1217 views
都有一排冇過嚟西營盤搵食，趁今日放假，專登過嚟行下，順便嚟呢間好多人推介嘅台式 Café「Eden」吃頓午餐。餐廳地方不大，裝修簡約，白色牆身、水泥石地板、再配以木檯木櫈，風格清新自然，畀人一種無拘無束嘅感覺。店舖主打台式輕食，另外亦有全日早餐、沙律、意大利麵等供應。至於餐飲方面，原來餐廳一直都有同「賞茶」合作，而且仲設有外賣飲品站添。有人話想食全日早餐，而我就對台式肉燥米粉較有興趣。全日早餐 ($108) 材料有牛油丹麥吐司、日式豚肉腸、煙肉、滑蛋、扒蕃茄、薯餅及焗豆，陣容豐富。多士烘得夠脆身，入口充滿牛油香氣。豚肉腸勁 Juicy、薯餅炸至金黃鬆脆，一點也不油膩，配埋炒蛋一齊食，真係無得輸！台式肉燥新竹米粉湯拼鹽酥雞扒 ($82) 雞扒大大件，炸得挺香口，食落唔會太厚粉，雞肉夠嫩滑，入口鹹香惹味。米粉水準亦唔錯，纖幼如絲，質地柔韌富彈性，配上鹹甜適中嘅肉燥，香味濃郁。跟餐飲品有極品賞奶茶、蜂蜜綠茶、黃金烏龍、古早味冬瓜茶可供選擇，+$10 可加大，+$17 更可轉其他飲品。奶茶順滑，入口帶堅果香；蜂蜜綠茶甜度適中，入口香濃芬芳，而且絲毫沒有被蜂蜜遮蓋了綠茶味，感覺好 fresh
都有一排冇過嚟西營盤搵食，趁今日放假，專登過嚟行下，順便嚟呢間好多人推介嘅台式 Café「Eden」吃頓午餐。
餐廳地方不大，裝修簡約，白色牆身、水泥石地板、再配以木檯木櫈，風格清新自然，畀人一種無拘無束嘅感覺。
店舖主打台式輕食，另外亦有全日早餐、沙律、意大利麵等供應。至於餐飲方面，原來餐廳一直都有同「賞茶」合作，而且仲設有外賣飲品站添。
有人話想食全日早餐，而我就對台式肉燥米粉較有興趣。全日早餐 ($108) 材料有牛油丹麥吐司、日式豚肉腸、煙肉、滑蛋、扒蕃茄、薯餅及焗豆，陣容豐富。
多士烘得夠脆身，入口充滿牛油香氣。豚肉腸勁 Juicy、薯餅炸至金黃鬆脆，一點也不油膩，配埋炒蛋一齊食，真係無得輸！
台式肉燥新竹米粉湯拼鹽酥雞扒 ($82) 雞扒大大件，炸得挺香口，食落唔會太厚粉，雞肉夠嫩滑，入口鹹香惹味。米粉水準亦唔錯，纖幼如絲，質地柔韌富彈性，配上鹹甜適中嘅肉燥，香味濃郁。
跟餐飲品有極品賞奶茶、蜂蜜綠茶、黃金烏龍、古早味冬瓜茶可供選擇，+$10 可加大，+$17 更可轉其他飲品。奶茶順滑，入口帶堅果香；蜂蜜綠茶甜度適中，入口香濃芬芳，而且絲毫沒有被蜂蜜遮蓋了綠茶味，感覺好 fresh。
Post
