Video
Read full review
2022-12-05
72 views
宜幾日突然勁凍呀，去開堅尼地城搵食見到宜間火鍋店勁多人，出面仲寫住無限時任食喎，攞到位梗係唔好放過啦。7點前離座或8點半後入座仲有折添。餐廳有3種套餐既選擇，任食既肉係唔同既。我地今次就食中間價錢既美國Prime Grade 極上牛頸脊及西班牙伊比利亞黑毛豬套餐。除左任食宜2款肉，仲有美國Prime Grade 牛肩胛肉同西班牙無激素豬肉片都係任食既。剩係湯底都有成15款選擇，花多眼亂我地最後選擇左養生蟲草花桃膠雞涮涮鍋。見到個湯底勁足料，有雞件，紅棗，粟米，油豆腐，桃膠同大量蟲草花。開始食火鍋之前飲一啖湯，味道清甜，充滿蟲草花香，雞件嫩滑，感覺真係好養生。因為實在好肚餓，我地就一開始就用QR code落哂4款肉先。Prime Grade牛肉質素有保證，無論係牛頸脊定牛肩胛肉質腍得黎都好香牛味，而且唔會話好肥。黑毛豬都唔錯，一樣好腍身。除左肉類，其他火鍋配料仲有蔬菜、餃、丸等等都好多選擇。不過我地掛住食肉，剩係食左其中幾款。足八吋長巨蟹棒真係好大條，爆漿濃芝牛丸係爽彈牛丸咬落去有熱辣辣既流心芝士湧出黎真係好滋味。台灣豆皮響鈴勁大件，炸魚皮當然唔少得。海鮮都有幾款選擇，海蝦大大隻又新鮮，
餐廳有3種套餐既選擇，任食既肉係唔同既。我地今次就食中間價錢既美國Prime Grade 極上牛頸脊及西班牙伊比利亞黑毛豬套餐。除左任食宜2款肉，仲有美國Prime Grade 牛肩胛肉同西班牙無激素豬肉片都係任食既。
剩係湯底都有成15款選擇，花多眼亂我地最後選擇左養生蟲草花桃膠雞涮涮鍋。見到個湯底勁足料，有雞件，紅棗，粟米，油豆腐，桃膠同大量蟲草花。開始食火鍋之前飲一啖湯，味道清甜，充滿蟲草花香，雞件嫩滑，感覺真係好養生。
因為實在好肚餓，我地就一開始就用QR code落哂4款肉先。Prime Grade牛肉質素有保證，無論係牛頸脊定牛肩胛肉質腍得黎都好香牛味，而且唔會話好肥。黑毛豬都唔錯，一樣好腍身。
除左肉類，其他火鍋配料仲有蔬菜、餃、丸等等都好多選擇。不過我地掛住食肉，剩係食左其中幾款。足八吋長巨蟹棒真係好大條，爆漿濃芝牛丸係爽彈牛丸咬落去有熱辣辣既流心芝士湧出黎真係好滋味。台灣豆皮響鈴勁大件，炸魚皮當然唔少得。
海鮮都有幾款選擇，海蝦大大隻又新鮮，食落彈牙，蜆肉嫩滑冇沙，仲有鮮魚片、魚柳、帆立貝等等。
需要提一提宜度既飲品係有好多款台式特飲，仲係任飲既。我同朋友就叫咗香芋雪香同朱古力雪香，香濃奶滑。
。
。
小鍋霸 (Imperial Kennedy) (西環)
西環卑路乍街80號Imperial Kennedy地下6號舖
。
。
Post
