Bluebird Coffee (樂基商業中心) (Closed)

早前去過間咖啡店的上環分店，食物和咖啡質素都唔錯，最緊要唔太貴，地方好坐，今日我經開西環，就去咗佢西環呢間分店，因為朋友未去過，順便同佢過嚟試吓呢一間，佢都覺得唔錯！我哋分別叫咗兩杯熱飲，一杯榛子咖啡，令一杯係熱朱古力，由於朋友唔可以飲奶，所以將熱朱古力中的牛奶轉做豆奶，免費㗎，呢個服務都唔錯！而榛子咖啡的榛子味都幾香，配合咖啡，幾好飲！我哋另外叫咗兩件蛋糕，其中一件普通，比較推薦他們的藍莓芝士蛋糕🍰，芝士味幾香濃，40幾蚊來講算係好高質，不過尺寸細咗少少，不過唔緊要的，因為質素來講算係唔錯，用咗真芝士！