Fish & Chick (高街) (Closed)

西環：Fish & Chick- 午市套餐（本地新鮮鱸魚炸魚薯條、炸磨菇沙律、餐飲，$108）Fish & chips 食過好多次，但用本地新鮮魚整既就係第一次食！有盲曹、鱸魚、鯛魚可以揀，亦可以揀番紐西蘭藍鱈魚，我唔係好識魚😂就揀左我唯一識既鱸魚，啖啖肉，正！炸漿薄脆，魚肉嫩滑多汁，第一次有炸魚比到我食緊鮮魚既感覺！-小店另一招牌是烤雞，見到半開放式廚房內有個烤雞爐！烤雞皮好薄好脆，肉很嫩，餣得入味，亦非常唔錯！-另外還點了橄欖油炒香蒜片辣椒意粉😍一道經典意粉，意粉彈牙、用油慷慨、用上大量蒜片、加上辣椒香辣，非常惹味，是簡單就是美的一道菜。-前菜我和朋友選了炸磨菇沙律和炸蟹肉球沙律，炸磨菇多汁，蟹肉球則很誠意，吃到滿滿蟹肉絲。-小店坐位不多，餐牌選擇也不多，其實我個人是偏好這種專做某幾樣產品的店，今次都無揀錯，食左幾樣都覺得幾好！推介比喜歡食魚同炸魚既人！