幸鮨屋 (Closed)

🔥幸鮨炙燒盛$128 （7/10）一份有4款三文魚、2款蝦、左口魚、帶子、海膽同鰻魚，加埋十件壽司，味道中規中舉🥸。特別要提左口魚，唔係好感覺到入口即溶嘅口感，肉質比較實，有少少失望😢😢😢🍱自選壽司拼盤$108(午市優惠) (7.5/10)拼盤有A,B,C區揀:A區係壽司有炙燒同黑松露壽司揀🍣;B區係迷你丼，有角切、拖羅蓉同海膽丼🍚；C區可以揀刺身、炸物同茶碗蒸🥚炙燒嘅壽司同上面個set差唔多，食完覺得蔥拖羅蓉丼同茶碗蒸好岩我地口味😗，茶碗蒸夠滑，入面有蝦有帶子，都足料～🐟忌廉芝士鰻魚卷$55 (7/10)見到有鰻魚卷就嗌左一份，芝士味道係幾香，但我地就唔太鍾意忌廉芝士黏口痴牙嘅感覺🤓。