正牌沙田雞粥 (Closed)

唔駛去沙田，都可以食到沙田雞粥。呢度出名雞粥，梗係叫一鍋嚟試吓啦。大大窩，足夠4人享用，每人可以享用兩碗。粥底好綿，雞的份量亦不少，而且粥亦有十分濃雞味。讚！炸乳鴿，熱辣辣香口，皮脆。花雕浸乳鴿，夠酒香味。太和骨，酸酸甜甜， 十分惹味，個頭不少，送啤酒一流。 黑椒牛仔骨，配以洋蔥，又係夠份量，而且亦是十分惹味。蒜蓉白菜仔，夠爽口。豉油王炒麵，唔錯，亦夠碟，味道亦出乎我意料之外好。總括來講，每一個餸或小菜都夠份量。