Bistro Breton by La Creperie (Closed)

🍴MENU DECOUVERTE $968 HKD for 2 persons🍴勃艮第蝸牛配蒜蓉牛油上面有個印花麵包，幾有心思，蝸牛重草青味，蒜蓉牛油好重味，正常，個人唔太鍾意🤣🍴烤金文畢芝士 配百里香和蜂蜜芝士好鹹香，麵包好香脆，配麵包剛好。🍴煎海鱸魚配香橙忌廉汁魚下面得洋蔥墊底，魚結實唔乾，有魚味，個汁偏酸，橙味幾出。🍴雞肉配羊肚菌半隻春雞配上羊肚菌汁伴忌廉貝殼麵個雞好軟腍，冇汁會乾同鞋口，個汁偏鹹，唔重菌味，忌廉貝殼麵幾重忌廉味，主菜份量偏少😂🍴火焰橘香可麗餅香橙焦糖醬，火焰法國柑受怡香橙甜酒聖特羅佩重酒味但勁苦，口感濕潤，個人覺得一般，酒鬼可試。🍴蘋果可麗餅雲呢拿雪糕，焦糖蘋果、鹹牛油焦糖係movepick雪糕🫶🏻呢個清啲食到餅皮好香帶少少煙銀口感，焦糖蘋果幾香軟腍，鹹牛油焦糖配落剛好，唔會太甜，好食的。推薦指數: 7/10可能係正宗法國口味，但全部菜式上枱係微温，一啲都唔熱，冇一樣係熱食😂❓可能味道口感上扣左分，ok冇伏，服務ok的，但未必再訪了。