Gioia Charcoal Grill & Oyster Bar (Closed)

周圍去食嘅肥仔，今日帶咗我最愛嘅媽媽去食一餐浪漫嘅西餐。Daily Oyster 竟然只係10蚊一隻~由法國嚟嘅生日，味道帶金屬味。除咗食西餐仲可以叫酒飲。今日兩口子，就叫個精選晚餐~首先嚟嘅係芝士條，芝士味都幾重。自家製香橙煙三文魚田園沙律，酸醋味道好厚，而且帶甜。餐湯有兩款，第一款係黑松露野菌湯，黑松露味都幾濃，另外飲嘅時候會食到啲磨菇碎粒。南瓜忌廉湯，南瓜打到好滑，再加埋鮮忌廉就更滑。黑松露火箭菜野菌pizza,餅底爐到脆卜卜，有好香嘅菌味，芝士味都好濃。蒜片辣椒欖油大蝦意粉，好香嘅一道菜式，用欖油炒香蒜片同露荀仔，又帶少少辣，都野味。