Cafe Siam (科士街) (Closed)

係西環地鐵站對面見到有架泰國篤篤車頭做代表嘅泰國餐, 疫情下無得旅行， 唯有食個泰國菜享受一下。  環境乾淨整潔， 餐廳一邊放了泰國醬料裝飾， 但設計比較西式化。  先嚟飲品先， 雜果清新梳打 + 啤酒。 雜果清新梳打放嘅都係新鮮生果， 有橙有芒果有青檸， 飲落好舒服。 冬陰公湯少不了， 叫咗個少辣味道啱啱好， 太辣我飲唔到喇。 材料好豐富又開胃， 2個人飲啱啱好。 樣樣都想食就最好叫個拼盤喇， 有蝦餅， 春卷， 荷葉包雞同串燒。 蝦餅彈牙， 春卷香脆， 裡面 d 料好豐富。  泰式炒金邊粉包蛋， 賣相好靚， 蛋絲好薄， 金邊粉炒得不油不膩， 價錢仲好合理㖭。 仲有我最鐘意食嘅蒜香椒絲炒椰苗， 椰苗好新鮮幼嫩。