百味鮮辣蟹專門店 (Moved) New Location

朋友相約到西環晚餐，讚這間小店食物質素很高，但地方有限，要一早訂枱。一行5人6:30p到達，用餐時限90分鐘。先來小食話梅醉豬手，豬手好爽，如酒味濃些更好味，是不錯的小食。蒜香凍螺，個汁甜甜地，蒜香不夠，螺肉爽。之後上金銀蒜蒸蟶子皇(5隻)，老闆話要熱食，蟶子好新鮮，火候蒸得啱啱好，加上蒜及粉絲，很正。酸甜生炒骨，生炒骨肉較乾，酸甜汁醒胃。豉汁蒸倉魚，$68一條很抵食，魚肉滑，豉汁味濃郁。蘋果玉桂牛仔粒，好香玉桂味，牛仔粒夠嫩，夠哂鑊氣。濃湯浸豆苗，豆苗清綠，濃湯好味精。最後上黑松露蛋白炒飯，這炒飯最失望，食落很油，飯較淋身，黑松露味不出。