享慢煮泰 (Closed)

今日去咗西環嘅呢間享慢煮泰 係專食fusion泰國菜嘅餐廳 朋友之前食過十分推薦 於是就今日嚟食個 lunch啦午餐時間嚟到人都幾多 不過就算坐滿地方都好闊落 裝修夠曬格調同食fine dining無分別叫咗個set lunch 雖然前菜同甜品都要加錢 不過已經包咗飲品 價錢幾抵食招牌流心龍蝦湯牛角包 牛角包焗得鬆脆 上面仲有芝士 一切開濃郁嘅龍蝦湯已經爆曬出嚟馬沙文咖哩牛面肉 咖哩口味非常濃郁有輕微嘅沙嗲味 仲有粒粒花生喺醬汁入面 非常惹味 和牛分量都幾多 炆得又淋又入味 仲有陣陣膠質融化喺口腔 超正招牌流心布拉塔芝士沙律 勁大舊布拉塔芝士 一切開仲係流心嘅狀態 芝士味道雖然唔濃郁 不過奶香十足 配埋下面嘅新鮮車厘茄仔一齊食 非常清新上面有燒豬腩肉同埋燒豬頸肉 好大陣香茅味醃料非常入味 豬肉層次分明肥瘦適中 超正 下面係用番薯做嘅醬汁 甜甜地可以中和豬腩肉嘅肥膩感泰式奶茶牛角包同龍蝦湯牛角包用嘅包係一樣嘅 但係個餡就係香甜幼滑嘅泰式奶茶 香脆嘅酥皮吸收咗香滑奶茶嘅甜味 令到成個包都甜入心呀