Video
Read full review
2021-11-22
44 views
西環好多低調小店，好多都好高質，今日嚟試下呢間Cafe，主打burger同意粉，另外都有啲小食，咖啡嘢飲同甜品，鋪仔細細，老闆親力親為，裝修走簡約型格風。🍔脆香雞堡配薯條 (芥末蛋黃醬) $106麵包係竹碳薯仔包，食落好鬆軟，濕度啱啱好，係冇竹碳味㗎哈哈。炸雞新鮮炸起，超級香脆，炸粉唔會太厚，調味啱啱好，好juicy，配上芥末蛋黃醬，芥末味剛好唔攻鼻，配搭雞扒好解膩，加埋酸奶酪，酸瓜洋蔥真心perfect match，成個包好好食，一啲都唔覺得油膩。薯條係新鮮薯仔炸起，feel到薯條入面仲好有水份，有薯味，唔錯嘅。🍝牛肉忌廉蕃茄乳清芝士粗管通粉 $126好少見有粗管通粉！牛肉蕃茄配搭一定冇死，粗管通粉份量都多，牛肉份量少，撈勻咗芝士，蕃茄味都好香濃，但芝士味就比蕃茄cover咗，食唔到芝士味🥲好食但未到有驚喜，中上蕃茄意粉質素。🍰自家制焦糖脆皮面芝士蛋糕 $58作為芝士控唔夠喉，額外再叫件芝士蛋糕。正常size，賣相好靚，芝士蛋糕好滑好smooth，好輕盈好清新，脆皮係即燒，焦香微苦，青檸皮，配上芝士蛋糕好fresh，一啲都唔會膩，但略厭芝士味未夠香濃。推薦指數: 8/10用心小店，好
🍔脆香雞堡配薯條 (芥末蛋黃醬) $106
麵包係竹碳薯仔包，食落好鬆軟，濕度啱啱好，係冇竹碳味㗎哈哈。炸雞新鮮炸起，超級香脆，炸粉唔會太厚，調味啱啱好，好juicy，配上芥末蛋黃醬，芥末味剛好唔攻鼻，配搭雞扒好解膩，加埋酸奶酪，酸瓜洋蔥真心perfect match，成個包好好食，一啲都唔覺得油膩。
薯條係新鮮薯仔炸起，feel到薯條入面仲好有水份，有薯味，唔錯嘅。
🍝牛肉忌廉蕃茄乳清芝士粗管通粉 $126
好少見有粗管通粉！牛肉蕃茄配搭一定冇死，粗管通粉份量都多，牛肉份量少，撈勻咗芝士，蕃茄味都好香濃，但芝士味就比蕃茄cover咗，食唔到芝士味🥲好食但未到有驚喜，中上蕃茄意粉質素。
🍰自家制焦糖脆皮面芝士蛋糕 $58
作為芝士控唔夠喉，額外再叫件芝士蛋糕。正常size，賣相好靚，芝士蛋糕好滑好smooth，好輕盈好清新，脆皮係即燒，焦香微苦，青檸皮，配上芝士蛋糕好fresh，一啲都唔會膩，但略厭芝士味未夠香濃。
推薦指數: 8/10
用心小店，好有誠意食物高質，食完老闆都會問覺得點樣？啱唔啱食？總括然而老闆好nice，服務都好好，好細心，食物會問係咪share食，係嘅話會主動比碟同切開個burger，加分！仲免收加一。
Post
