川之源

Open Now

Now Closed

餐廳裝修都好有傳統中式風格，座位闊落舒適，menu 上嘅菜式繁多，川菜當然辣嘅食物種類多，唔食得辣嘅都唔使驚，佢都有好多種款式嘅菜係唔辣嘅。糖醋羅非魚呢一樣係個人最鍾意食嘅，酸酸甜甜嘅汁腍喺炸得好香脆嘅魚上邊， 好下飯呀！ 入邊嘅魚都保持到嫩滑，十分推介。肉末土豆絲肉末土豆絲家常小菜，但佢嘅土豆絲做到爽脆，加上肉末，都係個很好下飯的餸菜呢。紅燒牛腩麵首先佢個湯底都幾惹味，食得辣嘅朋友應該好爽，佢嘅麵係比較彈牙既口感，同幼麵好掛湯。酒釀丸子佢嘅酒釀丸子份量都幾多，可以分到兩細碗，佢嘅味道好易入口，平時食唔到酒釀味道嘅朋友都食到。冰粉味道都幾有桂花香，幾清甜。