八合目居酒屋

Open Now

Now Closed

同事本身住堅尼地城，知我鐘意食雞，收工特登帶我黎呢間佢去開既居酒屋。軟殼蟹外面包住滑滑嘅牛油果，口感超豐富。軟殼蟹嘅酥脆，配埋啲微酸嘅醬汁，味道真係一流！雞肉秋葵串燒，雞肉醃得好入味，烤到外脆內嫩，秋葵口感清新，令整體味道更加均衡。秋葵嘅脆口同雞肉嘅柔嫩真係好搭。食完唔夠喉，所以另外叫多份秋葵，秋葵烤得啱啱好，保留咗鮮甜味，唔油膩，食落去清爽又健康。雞皮串燒絕對係必試！外面烤得香脆，內裡保持咗雞皮嘅多汁，淋上特製醬汁，香味四溢。我本身冇食過雞臀肉，但係見OpenRice好多人推介，所以叫咗一份。雞臀肉既肉質都幾嫩，燒完只係簡單調味，都能夠突顯出肉嘅鮮味。手羽塩燒串燒簡單又好味，外皮酥脆，肉質鮮嫩，搭配一啲檸檬汁，味道更加提升。每一啖都回味無窮。呢間居酒屋環境都幾舒服，食物又高質，啱晒同朋友，同事嚟食嘢吹水。