Vie Won Won (Closed)

喺西環有一間名為「vie won won（鬼混）」嘅cafe，位置有少少唔起眼，但係其實好方便，由香港大學站行過去都只係需要2/3分鐘。首先，佢哋嘅「龍蝦沾麵」，雖然名係叫沾麵，但其實係比較似意粉嘅形態。麵條係日式拉麵嘅口感，配上龍蝦汁，每一條麵條都掛滿龍蝦汁，好似日式沾麵咁，每一啖都好似飲緊龍蝦湯咁，而且仲有半隻龍蝦。再嚟就係佢哋超有創意嘅甜品「迷幻蘑菇」，望落去好似一舊大嘅蘑菇咁！上面嘅紅色菇葉部分係野莓味嘅雪糕，而下面嘅菇幹部分則係芒果味。兩款味道都好香濃，味道都好特別，兩款嘅酸甜味都好濃，芒果就甜少少。除咗味道之外，呢個甜品亦都好適合打卡！飲品方面，佢哋嘅「Dirty」咖啡同「Coffee of the week - Bailey Coffee」都係一試難忘。Dirty嘅味道深邃，喝落好有層次，真係見到一層層嘅layer；而佢哋嘅coffee of the week 係 Bailey Coffee，所以呢杯咖啡有好濃嘅bailey味，酒味幾香濃。除咗食物之外，呢度嘅環境都好舒服，可以揀室外或者樓上，都好舒適，裝修好好，適合打卡。