Video
Read full review
2019-07-19
188 views
喺附近做完嘢，就嚟咗位於山道嘅lifetastic食下午茶之前黎已經試過最出名嘅西瓜蛋糕，同埋餐牌上面其他嘅甜品結論係...都係西瓜蛋糕最吸引所以今次都依然order咗呢一樣～可能係暑假關係，平日下晝嚟講都算多人店舖佈置走文青風，除咗有一面牆有彩色嘅壁畫，另外一面牆就做咗置物架裝飾，仲放咗啲綠色植物而職員就安排坐我哋坐門口窗邊嘅位置，對住山道斜路因為山道都唔算多車/多人，所以感覺都還ok講番件蛋糕外觀層次分明面頭係大量嘅士多啤梨粒、啫哩、玫瑰花瓣，仲有少少開心果碎；同玫瑰味嘅忌廉相間嘅係一層厚厚嘅西瓜；而底層係杏仁粉整嘅餅底一入口就食到好香嘅玫瑰花味同一時間 亦都食到西瓜清甜嘅味道整體配搭清新又唔會膩，好適合夏天食軟滑嘅忌廉同埋爽口嘅西瓜，口感豐富雖然呢件蛋糕唔算平但之前去過學整呢款蛋糕， 步驟煩複，仲要諗辦法令到西瓜乾身啲、減少出水嘅情況所以...我依家都係選擇去lifetastic食
之前黎已經試過最出名嘅西瓜蛋糕，同埋餐牌上面其他嘅甜品
結論係...都係西瓜蛋糕最吸引
所以今次都依然order咗呢一樣～
可能係暑假關係，平日下晝嚟講都算多人
店舖佈置走文青風，除咗有一面牆有彩色嘅壁畫，另外一面牆就做咗置物架裝飾，仲放咗啲綠色植物
而職員就安排坐我哋坐門口窗邊嘅位置，對住山道斜路
因為山道都唔算多車/多人，所以感覺都還ok
講番件蛋糕
外觀層次分明
面頭係大量嘅士多啤梨粒、啫哩、玫瑰花瓣，仲有少少開心果碎；
同玫瑰味嘅忌廉相間嘅係一層厚厚嘅西瓜；
而底層係杏仁粉整嘅餅底
一入口就食到好香嘅玫瑰花味
同一時間 亦都食到西瓜清甜嘅味道
整體配搭清新又唔會膩，好適合夏天食
軟滑嘅忌廉同埋爽口嘅西瓜，口感豐富
雖然呢件蛋糕唔算平
但之前去過學整呢款蛋糕， 步驟煩複，仲要諗辦法令到西瓜乾身啲、減少出水嘅情況
所以...我依家都係選擇去lifetastic食
Post
