Hunger Strike (第三街) (Closed)

係西營盤諗住揾啲輕食，揀咗平時好小機會食到嘅印度墨西哥野，因為見有好多餅嘅選擇(tacos, kebab roll, naanizza)。舖頭比較細，行入啲有個露天天井可以坐，見今日唔太熱就坐咗露天位。要有心理準備環境唔太乾淨，仲有蚊，但因為佢舖頭本身冇開冷氣，取捨下都係坐出面。如果佢執翻靚呢個位，涼啲黎食應該都ok 。最後揀咗炸魚kebab roll餐(連薯條加汽水)佢即叫即整，所以等嘅時間比較耐個卷好大條好扎實，熱辣辣，中間炸魚同配菜嘅比例一半一半佢個菜嘅醬汁係加咗印度香料嘅沙律醬咁，超級香！成個卷醬汁嘅部分幾平均，所以食落唔乾，魚亦炸得脆卜卜，唔厚粉。食落就係好有傳統印度風味，雖然濃味，但都易入口，食完唔會好口渴果隻。套餐配嘅薯條都係即炸，感覺好似shake shake薯條，都係一啲印度香料粉，幾好食。