九鬼居酒屋 (高街)

Open Now

Now Closed

西營盤高街有好多好食嘅Cafe，但係出名嘅日本居酒屋就少之又少。今次去到九鬼神呢間日本居酒屋，麻雀雖小，五臟俱全，有齊晒唔同類型嘅日本美食，包括刺身、串燒、壽司等，夜晚食omakasa set性價比超高！重點係老闆好友善，值得推介！🍢串燒拼盤，全部都係即見即炸🥩牛脷厚身Juicy 🐓單骨燒雞翼外皮卜卜脆，但入面雞肉唔會太硬太嚡身，師傅掌握個燒烤力度一流，🍗雞胸軟骨，每塊雞胸肉中間夾住嚿軟骨，每一啖都好有層次。🍠番薯燒咗之後更加甜。最後食返🥬秋葵去balance返食落口嘅油膩味。🫑日本青椒本身苦苦哋，上面灑咗鹽令成個味道更出。🍖免治雞肉棒，師傅特登將雞軟骨打碎，雞肉棒連埋打碎咗嘅雞軟骨一齊整成，令到最後個層次口感豐富，再點上日本蛋汁，味道精華一級。🍜魚子海膽冷麵，餐廳建議配搭柚子麵豉湯食，口感非常refreshing。鍾意食Wasabi嘅朋友，不妨都試吓將Wasabi溝入個麵豉湯入面，意外地同冷麵非常夾。🍤天婦羅有南瓜、番薯、香菇🍄‍🟫每一件天婦羅上面都灑咗柚子海鹽，未到唔會非常單一。🍍焦糖菠蘿，本身菠蘿已經非常鮮甜，再加埋外面嗰層香脆嘅焦糖👍🏻