來德好蝦麵廚房

Open Now

Now Closed

仔仔最近吵住去沙灘，趁呢幾日唔太熱，我哋週末特登去西貢坐下船食下野。玩玩下已經夜，坐尾班船到西貢碼頭。唔想食海鮮，唸起朋友介紹呢間，去到已經坐滿晒人。係門口研究菜單，發現少有的鹹蛋黃菜色。一家三口叫左三個菜，三百幾蚊好實在。福建蝦麵湯底唔夠濃，蝦味唔夠。牛肉好食，份量較少，麻辣味送飯一流。蛋黃雞翼值得讚，將雞翼分一半切好再炸，方便食用，又夠味。夜晚7:30左右已經賣晒海南雞。值得再去食，下次想試下海南雞、蛋黃大蝦、冰鎮咕嚕肉。