花朝軒 (Closed)

次次去西貢食泰國野食西式美國野德國野都食到悶，行過啲出名割客嘅海鮮酒家更加唔會想食，轉角就見到呢間花朝軒京粵菜，就入去試下。我地得兩個人，又眼闊肚窄咩都想試，叫每位上菜嘅套餐就岩岩好。好想飲雲吞雞，所以就叫咗呢個自選特色晚餐。我以為原盅雲呑雞真係原盅上。不過好彩味道搭夠，湯底好濃郁！雲吞蝦肉同豬肉比例剛好，我好怕嗰啲大大粒，跟住隻蝦太大隻搶晒個口感。前菜叫咗蒜泥白肉粉皮 同 北京醬蹄。蒜泥白肉嘅蒜香味足夠，不過豬肉略嫌老左少小。北京醬蹄有少少失望，簡單啲講只係薰蹄加豉油，我以為係類似豬仔肶架。因為無晒長腳蟹，所以叫風沙大虎蝦。好可惜虎蝦冰鮮味太重，仲有少少鮮味... 不過，用佢啲風沙撈飯幾香口嘅。好彩，佢地嘅小菜係好食嘅！葱爆牛肉啲牛肉韌度岩岩好，而且好有牛味。出面有啲係落好多鬆肉粉，淋晒之餘仲無牛味。葱亦炒得好云循，唔會有啲太生太老。紅爆獅子頭係另一款高水準小菜。紅燒醬汁咸中帶甜，獅子頭肉質滑膩。半肥瘦豬肉連醬汁撈飯真係好好味！最後嘅甜品係杏仁豆腐，不過真名應該叫杏汁大菜糕。其實我好怕杏仁陣味，我都食到，可想而知杏仁味幾少。口感係大菜糕嘅爽口。 呢度service 幾好，下層full