Piccolos (Closed)

趁天氣涼左決定同屋企人入西貢BBQ，食完行下市中心既市集，難得入西貢就喺度食埋飯先走，喺灣景街都有幾間西餐廳，野食大同小異，最後揀左呢間。餐廳兩層高，仲有分室內同室外。我地就揀左室外，感覺有氣氛啲haha，店鋪無另外再擺燈，只係靠檯上既蠟燭，所以真係幾浪漫坐低首先有麵包送上，麵包微暖，配送每人一粒牛油。Grilled haloumi, beetroot and pea salad,三角形既係grilled haloumi cheese,第一次食呢隻芝士，燒過後多左一層焦香味，食落口感較硬，味道有啲似水牛芝士，不過單食會好鹹，撈埋沙律菜就岩岩好，沙律醬汁係lemon herb vinaigrette ，幾清新，沙律菜都好新鮮Seafood risotto ，蕃茄味好濃，飯粒既生熟度好好，稍有嚼口。海鮮都係急凍海鮮，所以無乜鮮味，但都無雪味，唔錯啦Piccolo ‘Oops’，呢個係什錦pizza，批底做得麻麻比較韌，我諗下次唔會揀pizza。Carbonara，面頭係烤至脆口既bacon，醬汁睇相都見倒好杰身，好濃忌廉同芝士味！店鋪最令我深印象係每杯水除左有檸檬以外，仲有一粒raspbe