久留居

Open Now

Now Closed

西貢嘅日式餐廳🍴唔多，我諗嚟諗去只有2間，仲要係同一間餐廳，唔同名嚟。之前食過，價錢貴，食物質素亦不成正比🥲好彩宜家西貢終於有多一間日式🗾餐廳可以選擇啦❗️環境餐廳嘅樓底超高，而且氣氛好chill，好有日式居酒屋🏮嘅味道。喺出面睇，完全唔會知道佢係日本餐廳嚟🤣食物《久留居》提供拉麵🍜為主，另外仲有定食、小食等等。我同朋友就揀咗午市定食（主食+小食+飲品）試吓辛辣豚骨拉麵 $88我覺得佢拉麵嘅味道偏向中式，如果你想食正宗日本嘅拉麵，呢度就可能就未必啱你。不過呢個辛辣味道，整得都好出色，麻麻辣辣🌶️咁，相當惹味，值得一試。蒲燒鰻魚丼 $99如果拉麵唔係你杯茶，不妨可以試吓佢嘅丼飯。呢個鰻魚丼都相當有驚喜⭐️因為$99就有兩大條燒鰻魚，下面嘅蛋🥚仲非常之滑，性價比高。章魚小丸子 + 雞軟骨串呢兩款小食都整得好唔錯，啲醬汁好夠多，正！木村富士山柚子梳打 +$18我哋仲加咗$18叫個柚子梳打，個梳打好正，我哋從來都未飲過🤭佢嘅柚子味超濃，但又唔會過甜，仲有少少柚子嘅苦澀味！假期入嚟西貢嘅朋友，如果唔想食海鮮🦞、西餐，不妨可以嚟《久留居》試吓。