Video
Read full review
2022-04-11
44 views
疫情下日日困係屋企都唔係辦法，襯假日就同男朋友去西貢放鬆下食下好西係網上見到不少網友推介依間位於市場街既Cafe, 就決定去試下啦由於係假日，所以整條街都車水馬龍，店鋪位置唔算多，所以都要等一陣店員好細心咁叫我地可以去巷仔坐低等 而且仲可以打下卡Tim餐牌選擇豐富，不論食物及飲料都好多選擇而且樣樣都好吸引呢！餐廳空間不算大，但裝修風格簡約，所以都唔會有太逼既感覺Iced DirtyDirty最重要既一件事就係要夠凍~而依度就做得好好，成杯野都夠凍入口香滑，唔會太苦，只需簡單既Espresso同牛奶就已經足夠。Iced Cafe Mocha都幾好飲~咖啡味同朱古力味既配合岩岩好~蛤蜊巧達濃湯配麵包個湯好好味呀！濃稠適中，配料有薯仔粒蔬仔粒等等，而蜆肉亦新鮮夠味麵包內裡好軟熟，點湯食非常好食，作為前菜非常合適。和牛Open Toast賣相一流，味道更一流！Toast上鋪滿火箭菜，而和牛做得非常惹味和牛油脂感非常豐富，口感軟腍，牛味濃郁配搭多士令到口腔有多重享受，每人一啖接住一啖雜莓Dutch Baby Pancake基本上見到每一枱既客人都會點Pancake作為甜品，而我地就選擇左雜莓Pa
係網上見到不少網友推介依間位於市場街既Cafe, 就決定去試下啦
由於係假日，所以整條街都車水馬龍，店鋪位置唔算多，所以都要等一陣
店員好細心咁叫我地可以去巷仔坐低等 而且仲可以打下卡Tim
餐牌選擇豐富，不論食物及飲料都好多選擇
而且樣樣都好吸引呢！
餐廳空間不算大，但裝修風格簡約，所以都唔會有太逼既感覺
Iced Dirty
Dirty最重要既一件事就係要夠凍~而依度就做得好好，成杯野都夠凍
入口香滑，唔會太苦，只需簡單既Espresso同牛奶就已經足夠。
Iced Cafe Mocha
都幾好飲~咖啡味同朱古力味既配合岩岩好~蛤蜊巧達濃湯配麵包
個湯好好味呀！濃稠適中，配料有薯仔粒蔬仔粒等等，而蜆肉亦新鮮夠味麵包內裡好軟熟，點湯食非常好食，作為前菜非常合適。
和牛Open Toast
賣相一流，味道更一流！Toast上鋪滿火箭菜，而和牛做得非常惹味
和牛油脂感非常豐富，口感軟腍，牛味濃郁
配搭多士令到口腔有多重享受，每人一啖接住一啖
雜莓Dutch Baby Pancake
基本上見到每一枱既客人都會點Pancake作為甜品，而我地就選擇左雜莓Pancake加一球雪糕見到賣相已經非常吸引，而家香味十足，實在差點忍唔住未影相就先食
熱騰騰既Pancake配搭上冰凍既雪糕，再加上雜莓，味道同味覺都有多重享受！超好味呢
焙茶
食飽之後我地見到隔離枱嗌左杯好精緻既茶，所以我地都決定嗌黎享受下一Set包括飲茶杯，盛茶杯，泡茶杯及熱水壺，
我地可以一邊泡茶一邊飲，焙茶味道香濃順滑，
食飽飽飲杯茶慢慢放鬆傾下計真係一流呢！
總結而言依間Cafe真係無令我地失望，不論店員服務態度，咖啡品質，食物質素等等都係優質
店家對出品既細心令我地最為尊敬，簡單至對待一杯泡茶既態度已經反映出餐廳既服務品質
如果經過西貢既朋友，不彷試下，絕對唔會令你失望呢！
Post
