Lobster Une

Open Now

Now Closed

特然有個機會入西貢，好耐冇入去多咗好多餐廳。要簡單食個午餐，俾佢個萬聖節裝飾吸引咗，又見幾好坐唔曬就入去試下。呢間係主打食龍蝦嘅餐廳，職員都推介龍蝦湯，但係想輕食，見佢有個Bread set都幾吸引。有前菜又有個包，又有嘢飲。前菜沙律/軟殼蟹/黃金蝦揀一款，包可以揀龍蝦包、咖喱蟹包、龍蝦Pizza。黃金蝦都新鮮彈牙，以為好重蛋黃味，點知居然幾fresh。包叫咗signature龍蝦包，原來下午限定。麵包用咗粗麥包，面頭有芝麻、罌粟子、瓜子，香口又鬆軟。龍蝦用調好味，滿滿塞滿喺個包入面，肉質雪白，而且仲好多汁，調味唔係用沙律醬嗰啲，可以食真啲蝦肉，配埋薯格同鷹嘴豆泥，份量都好足。最後叫咗杯咖啡，原來可以加錢upgrade即磨豆。但都係留返下次有時間歎啡先試。普通啡都唔差，可以一試。