Video
Read full review
2021-01-21
1162 views
🍴芝士拼盤 HK$198朋友係芝士迷，一坐低先叫份芝士拼盤。埃文達芝士味道溫和岩晒我，可以連埋巴馬火腿伴多士，而比爾芝士同羊奶芝士就濃好多，岩我朋友。另外仲有無花果、杏脯、核桃、提子乾，非常豐富。🍴黑松露蟹肉沾醬配吐司 HK$98蟹肉足料鮮甜，秘製沾醬用黑松露同比爾芝士製成，雖然兩種食材本身都係偏濃味，但調配得宜，好和味。🍴粟米濃湯 HK$52本來想飲周打蜆湯，不過賣晒，天氣凍飲碗粟米濃湯都好。粟米湯好大碗，分到四小碗，熱辣辣，香甜濃稠，仲有奶香，絕對唔係罐頭湯可以媲美。🍴極黑和牛多士 HK$108一般非扒房餐廳多數只賣安格斯牛，SRF極黑和牛就較少見，難得呢度有就當然要食下，半熟牛肉夠腍有彈性，夠晒肉味同油香，半溶嘅埃文達芝士比凍食香氣更突出，配埋香甜嘅焦糖洋蔥真係啖啖滋味。🍴Dutch Baby Pancake（抹茶紅豆） HK$62、雪糕 HK$18呢款德式班戟雖然來自美國，但就有別於一般美式班戟，德式班戟較薄身，外圍酥脆，中間鬆軟，口感有少少似泡芙，蛋香同牛油味突出，配埋甘醇微苦嘅抹茶同甜絲絲嘅紅豆非常之夾。只外加左Black Balsam Brownie雪糕，Black Ba
🍴芝士拼盤 HK$198
朋友係芝士迷，一坐低先叫份芝士拼盤。埃文達芝士味道溫和岩晒我，可以連埋巴馬火腿伴多士，而比爾芝士同羊奶芝士就濃好多，岩我朋友。另外仲有無花果、杏脯、核桃、提子乾，非常豐富。
🍴黑松露蟹肉沾醬配吐司 HK$98
蟹肉足料鮮甜，秘製沾醬用黑松露同比爾芝士製成，雖然兩種食材本身都係偏濃味，但調配得宜，好和味。
🍴粟米濃湯 HK$52
本來想飲周打蜆湯，不過賣晒，天氣凍飲碗粟米濃湯都好。粟米湯好大碗，分到四小碗，熱辣辣，香甜濃稠，仲有奶香，絕對唔係罐頭湯可以媲美。
🍴極黑和牛多士 HK$108
一般非扒房餐廳多數只賣安格斯牛，SRF極黑和牛就較少見，難得呢度有就當然要食下，半熟牛肉夠腍有彈性，夠晒肉味同油香，半溶嘅埃文達芝士比凍食香氣更突出，配埋香甜嘅焦糖洋蔥真係啖啖滋味。
🍴Dutch Baby Pancake（抹茶紅豆） HK$62、雪糕 HK$18
呢款德式班戟雖然來自美國，但就有別於一般美式班戟，德式班戟較薄身，外圍酥脆，中間鬆軟，口感有少少似泡芙，蛋香同牛油味突出，配埋甘醇微苦嘅抹茶同甜絲絲嘅紅豆非常之夾。只外加左Black Balsam Brownie雪糕，Black Balsam係拉脫維亞傳統烈酒，酒精濃度高達45%，甘苦酒香相當突出，夾雜微微朱古力甜味，風味獨特，值得一試再試。
🍴Cappuccino HK$36、Dirty HK$42、Café Mocha HK$44
Dirty真係岩晒一年四季都飲凍野嘅我，天氣凍唔驚好快變暖，咖啡甘醇唔酸，唔錯唔錯。
Café細細間座位唔算多，室外都有少量座位，秋冬坐出面曬下太陽都應該幾舒服，下次會試下。
📍Kachimushi
西貢市場街35號
Post
