旺泰特食 (Closed)

最後一日假期啦 決定要出走西貢！行下睇下話咁快又到食飯時間，正路都會諗下食咩海鮮啦，點知無啦啦經過一間泰國野，門口貼晒連續幾年米芝蓮推介，就試下佢啦餐廳細細，環境都唔算差，幾有泰國既味道《炸蒜炒椰菜苗》唔算好大碟，味道中規中矩啦，炒菜差極有限既《泰式濕炒河》河粉係好粗個種，用料夠多，反而我想佢俾多d河粉 《黃咖哩軟殼蟹》一上枱我地全部人都嘩一聲！好大個農夫包同好大隻蟹呀～食落個咖哩一點辣味都無，個包吸晒咖哩既香味，兩大舊軟殼蟹，好滿足呀～《菠蘿炒飯》呢個菠蘿炒飯比起出面餐廳既份量比較多，用左好多新鮮菠蘿炒，都炒得夠乾身，好好味呢間野抵佢拎連續幾年米芝蓮推介，又抵又好味