Jaspas Restaurant (Closed)

今日同一班朋友去到西貢萬宜水庫東壩行山，行咗成個晏晝，等車又等咗成粒鐘，出到市中心已經好鬼肚餓，食開嗰幾間泰國菜又多人，於是就去咗沙咀街食西餐，呢間餐廳應該係一間連鎖店，其他地方都見過，應該比較穩陣，喎所以就揀咗呢間。餐廳而家有做緊個農曆新年套餐，幾抵食喎，二百幾蚊有頭盤、主菜，仲有甜品。前菜我揀咗鴨胸沙律，佢用咗北京填鴨嘅做法，用嗰一隻醬加落鴨胸度，感覺幾特別，朋友就嗌咗一個日式帶子鍋，佢話都幾好食。主菜方面我就嗌咗一個肉眼扒，講真打就一般般啦，肉有小小 '孩'，薯條亦都唔夠熱唔夠脆，可能因為人多嘅關係啦。另外一朋友嗌咗一個炸雞扒，幾好喎，唔會太乾，甜品方面就係朱古力餅雪糕，呢個幾好食，整體嚟講中規中矩啦，未至於令人回味。