The Hut (Closed)

今日同朋友入左西貢行下，食飽飯見到呢間梳乎厘pancake & smoothies小店，作為甜品控既我哋，又點會錯過。Tiramisu pancake：芝士同咖啡味道比例恰到好處，軟滑細緻，頂部仲灑滿可可粉，令層次感提升。Honeycomb & cream pancake：面層鋪滿焦糖脆粒及焦糖醬，每一口都香甜味美。Caramel & Lotus pancake：灑滿Lotus焦糖脆餅乾碎，酥脆結合香甜既焦糖風味，賣相一流。牛油果沙冰：打得厚身綿滑，成杯呈粉綠既色澤，淡淡既甜味帶出牛油果獨有既清新香氣，真材實料。Oreo沙冰：Oreo餅乾脆脆既口感，加上濃郁朱古力香甜滋味，杯底仲有好多Oreo餅碎，帶來豐富既味覺享受。總結，所有食品及飲品都係即叫即整，店員有禮貌，位置近巴士總站，好方便。