Video
Read full review
2020-04-15
205 views
【西貢松記車仔麵】『新界篇-西貢區』難得假日天氣好，當然係約埋成班朋友出去遠足行下山。由於本尊及朋友是小學雞級行山人士，所以我地就揀左東壩難度分一粒星既遠足路線去挑戰。出發前當然大家要去西貢儲夠能量先去挑戰一星任務，而我地就揀左一間西貢早餐必食既 – 松記車仔麵。想當年本尊係西貢學潛水既時候都係食呢間車仔麵，朝早亦都有好多水上活動既發燒友約埋係呢間車仔麵食早餐。所以松記車仔麵可以話係大家入西貢既共同回憶。未入餐廳已經見到車仔麵既配料非常吸引，所以團友們心里面都已經有定案食車仔麵。而我地有一個團友因為琴晚唔夠訓，所以一定要食個早餐加多杯凍咖啡去精神一下。先講講個車仔麵先，我地就試左羅白、紫菜、雞翼尖、豬紅加再潮式滷肉，咁多個配料都係$55，你話係咪抵食先。重點黎啦，個湯底係正既由其係加左牛腩汁。羅白真係車仔麵必須要嗌既，因為佢會索哂D湯汁入去個羅白到，極度Juicy，其他配料都係中上既質素。成個麵既重心係個潮式滷肉到，D肉質已經淆到入哂味，咬落去仲要軟林林，味道滲哂入成個口到，真係一絕。本尊高度推薦呢舊滷肉。車仔麵就Share完啦，比較之下早餐真係好遜色。可能佢招牌主打就係車仔麵，懷疑佢
『新界篇-西貢區』
難得假日天氣好，當然係約埋成班朋友出去遠足行下山。由於本尊及朋友是小學雞級行山人士，所以我地就揀左東壩難度分一粒星既遠足路線去挑戰。
出發前當然大家要去西貢儲夠能量先去挑戰一星任務，而我地就揀左一間西貢早餐必食既 – 松記車仔麵。想當年本尊係西貢學潛水既時候都係食呢間車仔麵，朝早亦都有好多水上活動既發燒友約埋係呢間車仔麵食早餐。所以松記車仔麵可以話係大家入西貢既共同回憶。
未入餐廳已經見到車仔麵既配料非常吸引，所以團友們心里面都已經有定案食車仔麵。而我地有一個團友因為琴晚唔夠訓，所以一定要食個早餐加多杯凍咖啡去精神一下。
先講講個車仔麵先，我地就試左羅白、紫菜、雞翼尖、豬紅加再潮式滷肉，咁多個配料都係$55，你話係咪抵食先。重點黎啦，個湯底係正既由其係加左牛腩汁。羅白真係車仔麵必須要嗌既，因為佢會索哂D湯汁入去個羅白到，極度Juicy，其他配料都係中上既質素。成個麵既重心係個潮式滷肉到，D肉質已經淆到入哂味，咬落去仲要軟林林，味道滲哂入成個口到，真係一絕。本尊高度推薦呢舊滷肉。
車仔麵就Share完啦，比較之下早餐真係好遜色。可能佢招牌主打就係車仔麵，懷疑佢都放棄左早餐呢個戰場，質素比出面茶記真係低一等。如非必要，可以唔叫早餐。
總括而言，西貢松記車仔麵係大家既集體回憶既早餐車仔麵店，雖然過左咁多年，但係質素依舊。本尊小小建議，如非必要可以唔洗叫早餐食車仔麵就夠。
各位鍊金術士有興趣都可以試下，歡迎PM 交流下。
識食‧你都會係食の鍊金術士
早餐C
$41
12 views
0 likes
0 comments
車仔麵
$55
13 views
0 likes
0 comments
Other Info. :
下單食物包括:
1. 早餐C–五香肉丁米線(包煎雙蛋餐包) 加 凍咖啡($50)
2. 車仔麵($50)
3. 車仔麵($44)
4. 車仔麵($62)
5. 車仔麵($35)
6. 車仔麵($55)
7. 凍檸茶($10)
評分 💯 (5分為滿分)
味道 : 👍👍👍(西貢早餐及車仔麵黎講，非常唔錯)
性價比 : 💲💲💲💲 (車仔麵CP值頗高)
環境：🌴🌴🌴 🌴 (場地企理乾淨，不過有些小逼)
服務態度：🗿 🗿 🗿 🗿 (員工Respond夠哂快，禮貌不錯)
敗北地方：車仔麵較特式，早餐一般般。
(The above review is the personal opinion of a user which does not represent OpenRice's point of view.)
Post
