食之劇場餐廳 (Closed)

中秋佳節，今晚就入咗西貢白沙灣嘅食之劇場餐廳食omakase。雖然有啲遠，但其實交通十分之方便，去到九龍灣/彩虹/坑口就有小巴。而且餐廳非常之寬敞，俾人好舒適嘅感覺。講返食先，我同女朋友分別叫咗兩款omakase。我食嘅依一個就係Hoshi Set、包括咗前菜三點、時令刺身三點、燒物、A4和牛壽喜燒、湯、同埋甜品。而主理嘅師傅，正正係大半年前，我去尖沙咀品嘗某店omakase嘅Billy師傅。前菜分別有鹽燒銀杏、水雲伴山芋、同埋沙甸魚苗紫菜炸物。前菜擺盤十分優美，靚到有點唔捨得食。到時令刺身三點，今日Billy師傅安排咗北海道根室海膽、時令秋刀魚同埋北海道厚岸蠔。Billy師傅就建議先食北海道根室海膽、因為三款刺身當中比較淡味、跟住就時令秋刀、最後先食厚岸蠔。我諗如果無講嘅話，我會食咗隻蠔先，最尾先食啲海膽。海膽好鮮甜，如師傅所說，味唔太濃。時令秋刀擺得好靚，一啲都唔覺腥。北海道厚岸蠔加咗自家製嘅和風汁，和風汁少少酸味，令蠔嘅鮮味提升咗好多。北海道厚岸蠔超大隻，有成半隻手掌咁大隻。燒物方面，師傅安排咗鰤魚魚鮫，再配埋蔬菜汁嚟食。鰤魚魚鮫燒得皮香肉嫩、魚肉超滑。跟住到A4和牛壽喜燒、再配