Pan da Cafe

Open Now

Now Closed

美國安格斯西冷牛扒安格斯西冷牛扒煎得好好，外面少少焦香，內裡粉嫩多汁，唔會好多脂肪，所以食落唔覺得膩，瘦得嚟又唔覺得柴，好正！！碎蛋沙律三文魚牛角酥咧個牛角酥可以話係結合咗三種唔同嘅元素。碎蛋沙律酸酸哋加滿滿嘅蛋香味，煙熏三文魚增添咗鹹香味，而牛角酥就有酥脆嘅口感。咧種組合豐富得嚟又有層次，作為輕食係一個好唔錯嘅選擇美國安格斯肉眼肉眼牛排通常比西冷更加肥嫩，大理石紋理明顯啲，口感亦都更加多汁柔軟。食落油脂豐富啲，會有多啲牛油香。份量亦都好足，仲大過手掌🤣如果唔怕肥嘅推薦大家揀咧款！椰香批咧個椰香批好特別，係牛油皮同濃郁嘅椰子奶油餡料組成。入面嘅椰子奶油餡好香椰子味，個面仲有好多椰絲，令到口感更加豐富雪糕窩夫佢個雪糕窩夫好好食。個底嘅窩夫新鮮出爐，熱辣辣又香脆，配埋凍冰冰嘅雪糕，真係有種冰火兩重天嘅感覺