Orca (Closed)

今日同老公去西貢走一轉，行到咁上下要醫肚，得兩個人唔想去飲茶，喺碼頭酒樓旁邊見有西餐廳，落地玻璃環境唔錯，就試一試蟹子蟹棒雜菜沙律滿滿的藜麥加上雜菜，蟹棒，面頭灑滿蟹子，陣容豐富，加上柚子醋，健康又開胃。芝士肉醬田螺焗酥盒賣相精緻吸引，酥盒裏面有田螺，洋蔥，芝士，牛肉醬。 酥盒香脆，田螺夾雜其他配菜，香濃惹味。主菜揀咗巨型豬扒香草包兩個人一定夠食，長而大塊的豬扒，煎得鬆軟唔韌，配上蕃茄片，紫洋蔥，沙律菜， 青瓜，黃瓜，芝士，他他醬，多重層次。還有伴碟夾薯條，熱辣辣，脆卜卜。還叫咗兩杯mocktail，全部的名字非常有趣口水多過浪花Splash查實係荔枝果汁，加薄荷葉，青檸同雪碧。 鍾意荔枝同青檸嘅老公，表示滿意。叢林的秘密Orchard由士多啤梨汁，檸檬汁，紅茶組成。甜甜地，最好飲係裏面有士多啤梨肉，一啲都唔使擔心有藥水味。放鬆的閒遊和共餐，在疫情之中Hea吓， 舒展身心。