泰道 (Closed)

上網搜尋西貢WM HOTEL 附近有咩食,有間泰菜叫（泰道），好一個態度，試試佢啦！天氣熱食泰菜係一種享受，仲要係有得揀室內或室外，梗係室外啦！有feel 好多（其實係怕室內冷氣凍，笑左，夏天怕冷氣凍），最好笑唔食得辣嘅我同朋友竟然叫豬肉生菜包，泰式鳳爪，辣到呢……………..辣到耳仔㷫烚烚，佢要椰青解辣，原只大大只，一個字（爽），我呢…….冒着生命危險（肚痛危機）叫左個菠蘿沙冰頂一頂，解辣解辣真係好鬼辣，但又好食喎，真吹脹，我對牛舌心超有期望，可惜不似預期，不過個沙嗲醬超出色，烤薄餅同泰式炒金邊粉雖然冇乜特別但都好食，最後硬著頭皮頂埋個生菜包，一路食一路叫好辣😖😖😖見到隔離枱叫燒雞，侍應話等30-45分鐘，嘩……勁耐，應該係生燒？？只雞來到了，好香，我下次一定要試（完）