白鬚旗艦店 (Moved) New Location

餐廳：白鬚旗艦店（西貢）美味指數：🦶🏾🦶🏽🦶🏽🦶🏼今日入晨咁早入西貢玩wakeboard🏄🏾‍♂️，食左個腸仔包就上船⛵️，而家真係肚餓喇，但係山長水遠入到嚟，無理由食個茶記就算，點都要搵下好野食，原來有間放左喺list好耐，又一路都試唔到嘅餐廳，夜晚又係勁多人，下午茶時段，終於有機會試吓#牛骨湯飯 💰90呢個牛骨湯清香而不油膩，肉質好淋，我最鍾意係舊蘿蔔，非常入味變晒色💛下次可唔可以比多兩舊🥕😂#印尼牛丸粉 💰68呢一種牛丸好特別，同以前食開嘅潮式牛丸好大分別，唔係果種食爽彈類型，係類似新鮮牛肉丸嘅口感。湯頭都香甜，面頭嘅辣椒醬，再見枱面有支印尼醋，自己加左小小，好有細個印尼姐姐煮嘅味道😋