Video
Telephone
27203168
Opening Hours
Today
12:00 - 21:30
Mon - Sun
12:00 - 21:30
*21:00 lasr order
Above information is for reference only. Please check details with the restaurant.
「白鬚」一直都好想去試，但碼頭嗰邊間舊舖宣佈結業，結果都無去幫襯。依家知道係 WM Hotel 嗰邊重開新店，而且舖位仲大咗，當然要去食啦。餐廳最出名嘅「白鬚牛骨湯飯」，已經沽清，殘念。白鬚印尼牛丸粉（$85）接近30分鐘先上枱。牛骨湯聞落好香，但飲落好清淡。牛丸有5粒，黑椒味重，牛味一般，彈牙。湯粉係幼米粉，質地夠彈性，唔會一夾就斷，而且唔糊口，口感不錯。要咗少辣，會係牛丸上吱啲酸酸辣辣嘅醬。另外仲有一粒炸得太乾嘅炸雲吞、一片鬆脆嘅雲吞皮、一粒豆卜、一堆芽菜。印尼雞湯飯（$88）唔使5分鐘就上枱。湯底係微辣嘅黃薑雞湯，味道濃郁，但唔油膩，不錯。雞肉切粒，份量不少，可能係一直煮，所以肉質唔太嫩滑。另外仲有一大塊香脆印尼蝦片、半隻烚蛋、一粒豆卜、一堆芽菜及椰菜。沙嗲雞串（$63）約15分鐘上枱。有三大串，烤得好靚，聞落已經好香。雞串本身已經好夠味，而且外層微微焦香，裡面肉質嫩滑，再點埋沙嗲，味道層次再提升，好食。老實講，食物質素唔錯，餐廳空間感夠，環境可以，但收費始終略嫌進取。個人覺得係值得一試，但會否再次幫襯就要睇情況了。PS：另收加一服務費。
continue reading
之前舊舖完租前，已經有幫襯開！ 一路都希望佢地可以搵到新舖重開。近一個月，佢地喺西貢WM hotel開咗新舖😛！趁放假，今日就入去行吓食吓嘢！新舖地方大咗好多，環境都幾舒服，仍然有我最鍾意嘅梳化位置，坐住chill住食一流！ 我大概點幾兩點去到 （星期日）要排隊，不過星期日都預咗㗎喇！ 佢地而家menu多咗啲新產品/飲品， 不過我今日一個人late lunch就試唔到咁多！ 我就試咗個poke bowl 叫Canggu Shortcut, 係一個有微辣嘅poke bowl嚟嘅， 好味道， 吞拿魚粒加啲沙律菜加埋啲醬汁🥗，仲有個飯底，夠飽肚又夠fresh! 另外仲叫咗個新飲品， 朱古力牛油果奶昔，都係正嘢， 香滑香滑！唯正美中不足就係店內無自己洗手間，不過行去酒店洗手間都係within 1min路程唧！員工依然咁nice, 我諗鍾意白鬚嘅fans， 除咗鍾意佢地嘅食物同環境，都係喜歡佢地一份有溫度嘅人情味！ p.s. 叫外賣可以喺餐廳門口室外地方進食，可以俾狗狗喺嗰度玩！
continue reading