Video
Read full review
2024-08-25
491 views
我知道，家陣週末好多人都北上玩樂，但暫時為止，筆者仍是堅持留港消費的一群。如這星期天，便與朋友們去了西貢。沒什麼特別的節目，只是周圍逛逛影下相，找間Cafe喝杯咖啡，同埋食餐海鮮。六福菜館，相信大家未食過都聽過，原來唔經唔覺，已經連續十五年拎到米芝蓮一星，肯定有其過人之處。先來窩金湯魚蓉羹，用上了東星斑，湯頭鮮甜到一個點，還有不少魚肉在內，足料非常。接著來那爽口的涼拌四季豆，與及芥末雲耳，不是不好，但在外脆內嫩的名物椒鹽豆腐面前，顯然只是配角。呢個豆腐，一定要點！主角之一，氣勢磅礡的豉油王龍蝦少球要登場了。選用了西澳龍蝦，夠大隻夠體面，火侯控制得好，爽嫩而不韌，調味亦做得出色，沒蓋過龍蝦本身的鮮味。咁大隻龍蝦，當然會有第二食，將龍蝦頭和抓拆肉做個泡飯，湯頭又係鮮甜到不得了，再自行加入脆米，豐富口感。椒鹽鮑魚又是亦福的另一名物，南非鮑體型龐大，但烹煮時間拿捏得準繩，口感爽彈沒半點韌，加上惹味的椒鹽做法，好想「安哥」一隻，甚至兩隻都唔拘。薑蔥炒蟶子以砂窩上，香口嘢最合我心。店員提醒呢味要盡快食，放太耐蟶子會變韌，我哋當然聽話，快快趣影完相即食，入口剛剛好。細看之下，原來仲有個煎米粉底，又係
我知道，家陣週末好多人都北上玩樂，但暫時為止，筆者仍是堅持留港消費的一群。如這星期天，便與朋友們去了西貢。沒什麼特別的節目，只是周圍逛逛影下相，找間Cafe喝杯咖啡，同埋食餐海鮮。
六福菜館，相信大家未食過都聽過，原來唔經唔覺，已經連續十五年拎到米芝蓮一星，肯定有其過人之處。
先來窩金湯魚蓉羹，用上了東星斑，湯頭鮮甜到一個點，還有不少魚肉在內，足料非常。
接著來那爽口的涼拌四季豆，與及芥末雲耳，不是不好，但在外脆內嫩的名物椒鹽豆腐面前，顯然只是配角。呢個豆腐，一定要點！
主角之一，氣勢磅礡的豉油王龍蝦少球要登場了。選用了西澳龍蝦，夠大隻夠體面，火侯控制得好，爽嫩而不韌，調味亦做得出色，沒蓋過龍蝦本身的鮮味。
咁大隻龍蝦，當然會有第二食，將龍蝦頭和抓拆肉做個泡飯，湯頭又係鮮甜到不得了，再自行加入脆米，豐富口感。
椒鹽鮑魚又是亦福的另一名物，南非鮑體型龐大，但烹煮時間拿捏得準繩，口感爽彈沒半點韌，加上惹味的椒鹽做法，好想「安哥」一隻，甚至兩隻都唔拘。
薑蔥炒蟶子以砂窩上，香口嘢最合我心。店員提醒呢味要盡快食，放太耐蟶子會變韌，我哋當然聽話，快快趣影完相即食，入口剛剛好。細看之下，原來仲有個煎米粉底，又係外脆內軟，再吸收埋精華，好食喎！
其實，呢度唔單止海鮮了得，欖角蜜糖骨都好有水準，香甜鬆化，一件唔夠喉呢~
一碟米湯浸白菜苗，心理上叫做平衝下。
單尾既豉油王炒麵，爽身不油，香口好吃，即使當時已飽到上心口，都嚐了兩小碗才收手。
估唔到佢既甜品係帶有泰式風情的椰汁西米糕，仲要幾好食添喎。吃飽飽，再在西貢輕鬆走走，已是很充實的一天。
Post
