La Vista

想去Outlet行吓，又嫌東薈城嗰邊多人，反直有直接車到，帶兩老去食墨西哥餐。先嚟個超特級沙律居然材料有仙人掌🌵，但太多嘢都食唔出，食到有烤雞、青瓜、甘筍、芒果、牛油果。只屬一般，唔太出色。西班牙腸肉玉米片，好多肉碎，淋上芝士醬，有墨西哥辣椒，配醬有酸忌廉同牛油果，濃味中帶點幾清新，好味。慢煮手撕牛肉配香菜飯，似肉碎多於手撕嘅肉醬，走了辣，好香濃，調味剛好，用作撈飯好開胃。炸魚柳墨西哥卷餅，有沙律菜、炸魚柳，肉，醮莎莎醬食，餡料扎實唔會膩，四個人分享，啱啱好。最後食埋個墨式肉桂條甜品，即叫即製熱辣辣，香香嘅肉桂味，加少許朱古力醬，外脆內軟，完成這滿足的一餐。不過坐窗邊感覺好熱，唔夠冷氣，邊食邊抹汗，有點扣分。