Video
Read full review
2010-02-06
29 views
在OPENRICE看到, 不少食評都讚這店, 大約一年多前都試過LUNCH, 的確唔錯, 可算是青衣區數一數二既 "西餐廳" , 我無講錯, 係 "西餐廳", 好多人都話隔離店 "LA PAXXXX" 係似西餐廳, 我唔同意, 就先唔講食物質素, 就以觀察到既情況, 以下是我對兩店之間既比較:小朋友座椅: C'EST BON有座墊及兒童櫈, 反而鄰店沒有適合小朋友既椅...... +1檯面: 當你食完麵包時, 檯面總有些麵包"碎", 在鄰店侍應會幫你掃走, 雖然我唔知高級餐廳有冇呢種服務, 但感覺上係乾淨些, 反而在C'EST BON 就沒有幫你弄乾淨檯面, 整餐都在麵包碎檯進食...... -1侍應質素: 兩店都差不多, 如果要在同一層比較, 意X屋會好過這兩店, 但兩店一定好過扒X之王, 睇過之前食評, 有人話埋單都冇人理, 但今次未見有此情況, 好彩好彩...... +/- 0店內音樂: 呢點可能好主觀, 我總覺得在陰暗環境既西餐廳配ROCK BAND歌係唔MATCH囉, 同埋我都係想靜靜地食番餐, 最慘係音量開得都比較大, 平時如果有時裝店"炸機", 我都會走夾唔抖.....
小朋友座椅: C'EST BON有座墊及兒童櫈, 反而鄰店沒有適合小朋友既椅...... +1
檯面: 當你食完麵包時, 檯面總有些麵包"碎", 在鄰店侍應會幫你掃走, 雖然我唔知高級餐廳有冇呢種服務, 但感覺上係乾淨些, 反而在C'EST BON 就沒有幫你弄乾淨檯面, 整餐都在麵包碎檯進食...... -1
侍應質素: 兩店都差不多, 如果要在同一層比較, 意X屋會好過這兩店, 但兩店一定好過扒X之王, 睇過之前食評, 有人話埋單都冇人理, 但今次未見有此情況, 好彩好彩...... +/- 0
店內音樂: 呢點可能好主觀, 我總覺得在陰暗環境既西餐廳配ROCK BAND歌係唔MATCH囉, 同埋我都係想靜靜地食番餐, 最慘係音量開得都比較大, 平時如果有時裝店"炸機", 我都會走夾唔抖...... -1
優惠: 鄰店有多折扣優惠, 反而C'EST BON 一點折扣都沒有...... +/- 0
上菜時間: 由第一味頭盤到餐湯係接住黎, 之後就等左足20分鐘先再黎下一味, 有點兒耐囉, 而鄰我去過3次都有1次試過呢情況...... +/- 0
就加上個人感覺而言, C'EST BON 絕對稱得上西餐廳
係時候講番食物質素, ORDER左個1 SET有9款既餐, 最初都驚食唔晒, 同埋諗住食完再加一兩款甜品, 於是我一行兩大一小只叫左1個SET, 由於之前已經有人詳細介紹過呢個餐, 我就只簡單講述一下幾款菜色:
麵包: 有3-4款共10多個一籃, 每款都唔錯, 我鐘意法包, 夠脆
吞拿魚刺身: 有兩片大小與廣東麻雀相若既吞拿加少許配菜, 暖暖的, 不錯
什菜湯: 餐牌有干邑龍蝦湯及什菜湯選擇, 侍應說: "你有小朋友就叫什菜湯, 個龍蝦湯始終有干邑, 唔啱小朋友", 又幾細心喎, 可惜, 當一試什菜湯就好失望, 第一啖係暖, 再飲多兩三啖已經冇飲, 好似擺左好耐咁
西柚雪葩: 味道係好香西柚味, 但偏苦, 估計只有兩個可能, 一係西柚份量多左, 一係西柚唔靚
鵝肝: 材料唔錯, 但煎得唔夠, 應該可以煎得脆一些
鱸魚柳: 我唔記得個餐牌係寫咩方法去煮鱸魚柳, 只見到係黎左兩塊類似炸既魚柳, 好明顯係剪過左火, 皮向面, 望落已經好燶, 切開時肉已經乾晒, 其實廚師上碟時應該都睇到咁燶, 如果呢個都算招牌菜, 就真係唔掂囉
心太軟: 心太軟配雲呢拿雪糕始終係最好, 雪糕夠凍, 拎到黎都未溶, 心太軟裡既朱古力味道夠濃, 朱古力CAKE一般, 唔夠脆, 仲要係可能上碟時整穿左個CAKE, 有些朱古力上菜時已流左出黎, 有些失望
餐飲熱朱古力: 與鄰店相比, 味道同份量都差一大截, C'EST BON既熱朱古力同即沖三花朱古力幾乎同一味道
唔明點降咁馬虎, 本來應該好既食物, 整到佢唔好食, 唉
本來諗住餐後叫甜品, 但因三兩款食物既質素影響左我地心情, 所以食完就個SET就埋單, 我諗短期內都唔會再黎
Post