Boring?! (新都會廣場) (Moved) New Location

葵芳食店林林總總，今晚輪到食依間。餐廳環境光鮮入座快，餐牌精簡但選擇多，套餐抵食組合彈性，好多都想試價錢吸引，ＣＰ值高。水牛城雞翼 $45雞翼沾滿醬汁，味道酸辣惹味非常，雞皮香脆肉嫩。套餐揀左 A+B $225黑松露軟殼蟹意大利飯意大利飯份量十足，食落好creamy，飯好入味好香黑松露味，加左菇菌爽彈口感，仲有芝士碎粒味道豐富，軟殼蟹炸得香脆入味，食完整碟都唔覺膩，水準不俗好味。香橙百香果汁伴三文魚扒三文魚扒厚厚的，皮煎得香脆魚肉嫰身，肉裡充滿魚油香，味道唔腥好味，配以香橙百香果汁酸甜美味，一點油膩感也沒有。薯蓉用了香甜紫薯健康美味。紫薯鮮奶 +$9熱飲，奶味濃，淡淡紫薯味。菠蘿椰絲沙冰 +$24沙冰幼滑清甜菠蘿味，杯面的椰絲用火槍燒過焦香味道甚有驚喜。